Салааралық облыстық конкурс "Үздік бастауыш кәсіподақ ұйымы - 2022"

 Көкшетау қаласында Қоғамдық келісім (Достық үйі) ғимаратында кәсіби қызметінде айтарлықтай нәтижелері бар облыстық салалық кәсіподақтардың бастауыш кәсіподақ ұйымдары арасында "Үздік бастауыш кәсіподақ ұйымы - 2022" салааралық облыстық байқауы өтті.

 Конкурстың мақсаты бастауыш кәсіподақ ұйымдарының қызметін жандандыру, кәсіподақ мүшелерінің әлеуметтік-экономикалық және еңбек құқықтары мен мүдделерін қорғау мәселелерінде кәсіподақ комитетінің рөлі мен орнын арттыру, кәсіподақ мүшелеріне практикалық көмек көрсету, бастауыш кәсіподақ ұйымының үздік жұмыс тәжірибесін зерделеу және тарату болды.

 Байқауға облыстық салалық кәсіподақтардың 5 бастауыш кәсіподақ ұйымы қатысты.

 Ақмола облысының білім беру қызметкерлерінің кәсіподағын "Атбасар ауданы, Атбасар қаласының №3 жалпы білім беретін мектебі" КММ бастауыш кәсіподақ ұйымы, Төраға Егель Евгения Викторовна таныстырды.

Бірінші кезең - " танысайық!". Екінші кезең-Үй тапсырмасы. Бастауыш кәсіподақ ұйымы ұйымдағы кәсіподақ қызметінің нәтижелілігін, кәсіподақ құжаттамасының болуын, ұйымдағы кәсіподақ жұмысының жариялылығын (кәсіподақ бұрышы) ұсынды. Стендтік материалда, құжаттамада кәсіподақ мүшелерінің әлеуметтік-экономикалық құқықтары мен мүдделерін қорғау негіздері, Ұжымдық шарттың орындалуы, сауықтыру іс-шараларын өткізуді ұйымдастыру, кәсіподақ мүшелеріне қайырымдылық көмек көрсету көрсетілген.

Үшінші кезеңде "Мастер - класс" қатысушылары еңбек заңнамасына сәйкес еңбек ұжымдарында болып жатқан жанжалды жағдайларды шешті. 

 Облыстық байқау қорытындысы бойынша 1 орынды "Атбасар ауданы, Атбасар қаласының №3 жалпы білім беретін мектебі"КММ бастауыш кәсіподақ ұйымы иеленді.

 Атбасар ауданының білім бөлімі "Атбасар қаласының №3 жалпы білім беретін мектебі" КММ бастауыш кәсіподақ ұйымының командасына, мектеп директоры З.Қасеноваға, төраға Е. Егельге алғыстарын білдіреді. Жаңа шығармашылық жеңістер мен жетістіктер!