Республикалық балалар оқулары сайысының аудандық туры

23 қыркүйек күні № 1 ЖОББМ базасында балалардың кітап оқуға деген құштарлығын арттыру, қазақ және шетел әдебиетін терең зерттеуге шақыру мақсатында республикалық балалар оқулары сайысының аудандық туры өтті. Конкурсқа қатысушыларға құттықтау сөздерімен Атбасар ауданының білім бөлімінің басшысы Наталья Георгиевна Наймушина, "AMANAT" партиясының Атбасар аумақтық филиалының атқарушы хатшысы Рахимов Нұржан Бектұрғанұлы, Атбасар ауданының ішкі саясат, мәдениет, тілдерді дамыту және спорт бөлімінің "Тілдерді оқыту орталығы" КММ директоры Кәмшат Қадылқызы, "Атбасар ауданының ішкі саясат, мәдениет, тілдерді дамыту және спорт бөлімі" ММ бас маманы Махатов Ерік Ануарбекұлы сөз  сөйледі. Конкурсқа Атбасар қаласының 22 жалпы білім беретін мектептерінен 3-10 сынып оқушылары қатысты, барлығы 101 оқушы, оның ішінде қала – 48, ауыл – 53. Оқушылар "Әдебиет порталы" интернет-жобасында жарияланған қазақстандық және шетелдік кітаптардың сілтемелері бойынша әдеби кітаптарды оқып, жас ерекшеліктеріне және оқу бағдарламаларына сәйкес осы кітаптардың негізінде тапсырмаларды орындады.

Білім бөлімі № 1 орта мектебінің әкімшілігіне (директоры Л.Г. Бековаға) аудандық байқауды ұйымдастыруға және өткізуге жағдай жасағаны үшін үлкен алғыс білдіреді.