Облыстық мұғалімдер турнирі

Дәстүрлі түрде кәсіби Мұғалімдер күні қарсаңында Ақмола облысының білім басқармасы мен білім қызметкерлері кәсіподағының бастамасымен шахмат пен тоғызқұмалақтан мұғалімдер турнирі өтті. Турнирде Атбасар ауданының педагогикалық қоғамдастық өкілдері қатысты. Зияткерлік шахмат ойынын тәжірибелі спортшылар Игорь Николаевич Забанов, «Олимп» дене шынықтыру-сауықтыру кешенінің қосымша білім беру педагогы және Сепе ауылының жалпы білім беру мектебінің бастауыш сынып мұғалімі Қарлығаш Маратовна Турсумбаева қатысты. Олар әдемі және тактикалық ойын көрсетті. Тоғызқұмалақ ойынына №8 жалпы білім беретін мектептің дене шынықтыру пәнінің мұғалімі Қабдешов Әділет Елдесұлы және №2 жалпы білім беретін мектептің қазақ тілі пәнінің мұғалімі Трарқан Ғалия Әділқызы қатысты. Ойыншылар логиканы, шыдамдылықты және тапқырлықты көрсете алды. Жаңа табыс тілейміз, әріптестер. Турнирдің әр қатысушысына білім басқармасының және облыстық кәсіподақтың естелік сыйлықтар, дипломдары мен грамоталары табыс етілді.