Қазақстан Республикасы халқының Тілдер күні

2022 жылғы 5-16 қыркүйек аралығында Қазақстан Республикасы халқының Тілдер күніне арналған онкүндік өтті. Онкүндік жоспарына сәйкес Атбасар ауданының білім мекемелерінде "Қазақ тілі – мемлекеттік тіл" сынып сағаттары өткізілді. Апта барысында оқушыларға А. Байтұрсыновтың шығармашылығы, кітаптары, ғылыми еңбектері туралы ақпарат ұсынылды. Ахмет Байтұрсыновтың өлеңдерінен үзінділер оқылды - тұтас ұрпақ, аудармашы, көрнекті тілші ғалым, әдебиеттанушы, түркітанушы, дарынды ақын, Абай, Ыбырай, Шоқан салған ағартушылық, демократиялық бағыттың жалғастырушысы.

9-11 сынып оқушылары арасында "Ахмет Байтұрсынұлы – дәуірдің дара тұлғасы" атты жалпықазақстандық диктант, 10-11 сынып оқушылары үшін "Тіл тағдыры – ел тағдыры"атты дөңгелек үстел өткізілді. Онкүндік аясында аудандық байқаулар өткізілді: 5-6 сынып оқушылары арасында "Ана тілім - байлығым" эссе, 14 жас аралығындағы өзге ұлт өкілдері арасында "Мемлекеттік тіл – менің тілім" бейнероликтер байқаулары.

Бастауыш мектеп оқушылары үшін "Тіл – ұлттың жаны" тақырыбында суреттер конкурсы жарияланды, "Тәуелсіздік деп соғады жүрегіміз"атты қолөнер көрмесі ұйымдастырылды.

16 қыркүйек күні Қазақстан Республикасының Тілдер күні апталығының жабылуына орай мектептерде 5-7 сынып оқушылары арасында мәнерлеп оқу сайысы өтті. Байқауға қатысушылар ана тіліне құрметі мен махаббатын көрсететін қазақ ақындарының өлеңдерін қастерлеп оқыды.

Онкүндік қорытындысы бойынша аудан мектептерінде белсенді қатысқан оқушылар мен мұғалімдер марапатталды.