Дәстүрлі тамыз конференциясының пленарлық бөлімі

2022 жылдың 26 тамызында аудандық мәдениет үйінде Атбасар ауданының білім қызметкерлерінің «Білімді ұлт терең білім, еңбекқорлық және отаншылдық қасиет» атты дәстүрлі тамыз конференциясының пленарлық бөлімі өтті. Іс-шара басталар алдында Атбасар ауданының 2021-2022 оқу жылындағы білім беру жүйесінің жұмысы туралы фильм көрсетілді. Конференция жұмысына Атбасар ауданының әкімі Қалжанов Аманбек Амирхамзинұлы, мәслихат хатшысы Қамбатыров Бірлік Төлегенұлы қатысты. Өзінің құттықтау сөзінде аудан әкімі мұғалімдерге мінсіз жұмысы үшін алғыс айтып, білім беру жүйесіне дәлелді және білікті педагогтар қажет екенін атап өтті. Білім бөлімінің басшысы Наталья Георгиевна Наймушина 2021 – 2022 оқу жылының қорытындысы туралы негізгі баяндама жасады, онда өткен оқу жылының жұмыс қорытындысы шығарылып, білім беру жүйесі жұмысының стратегиялық бағыттары айқындалды. Қосымша баяндамашылармен «Родничок» бб меңгерушісі Ж. Мырзабаева, №5 ЖББМ директоры Ш. Бекмаганбетова, балалар музыка мектебінің директоры З. Қасымханова, Атбасар ауданы ата-аналар қауымдастығының басшысы Б.Садвакасова, білім бөлімінің әдіскері Қ. Нурмаганбетова, IQ орталығының ұстазы А. Сейфильмаликова болды. Сөз 2021-2022 оқу жылының түлектеріне, АЛТЫН БЕЛГІ және мемлекеттік білім беру гранттарының иегерлері – Данил Торговкин мен Мөлдір Қуатоваға, сондай — ақ Астана медициналық университетінің түлегі - Қайролла Баянға берілді. Конференция соңында ауданның білім беру саласының үздік қызметкерлері Ақмола облысы әкімінің, білім басқармасының, Атбасар ауданы әкімінің және мәслихатының грамоталарымен және алғыс хаттарымен марапатталды.