Атбасар ауданының математика және физика мұғалімдері қауымдастығының отырысы

Тамыз кеңесі аясында №2 жалпы білім беретін мектеп базасында Атбасар ауданының математика және физика мұғалімдері қауымдастығының отырысы өтті. Педагогтар Қазақстан Республикасының Мемлекеттік жалпы білім беру стандартының негізгі аспектілерін, нұсқаулық-әдістемелік хатты, математика және физика пәндерін оқытудың өзекті мәселелерін зерделеп, талқылады, жаңа оқу жылында қауымдастық қызметінің стратегиясын әзірледі. Мариновка ауылының №1 жалпы білім беретін мектебінің физика мұғалімі Б.К. Шинжанов әріптестеріне физика сабақтарындағы заманауи жұмыс түрлерін таныстырды. Адыр станциясының негізгі орта мектебінің математика пәнінің мұғалімі Г.С. Туружанова білім беру сапасын арттырудағы заманауи тәсілдерді ашты. №3 жалпы білім беретін мектептің математика пәнінің мұғалімі К.П. Закусилова мектептегі математикалық білімнің практикалық бағытын көрсетті. Жұмыс барысында жаңа оқу жылына арналған тапсырмалар шығарылды, практикалық бағыттағы БЖБ және ТЖБ орындау үшін тапсырмалар құру бойынша шығармашылық топтар құру тұрғысынан аудандық қауымдастықтың жұмыс нысаны анықталды, оқушылардың ғылыми жобаларын дайындау ерекшеліктері талқыланды.