ХХІІІ Абай және ХІІ Махамбет оқуларының облыстық кезеңі.

12-13 мамыр күндері Көкшетау қаласында Абай атындағы дарынды балаларға арналған #3 облыстық мамандарылған мектеп-интернаты базасында өткізілген ХХІІІ Абай және ХІІ Махамбет оқуларының облыстық кезеңі өткізілді. Екі күнге созылған шығармашылық сайысқа облыстың барлық аудандары мен Қосшы, Степногорск, Көкшетау қалаларынан 107 оқушы қатысты. Абай мен Махамбет өлеңдерін жатқа айту, әндері мен күйлерін орындау, Ұлы ақынның қара сөздерін айту мен Абай ілімі жайлы ойтолғау эссе жазу, ақындыққа бет бұрған оқушылардың ақындарға арнауы сияқты аталымдар бойынша оқушылар бақ сынасты. 

      Облыстық сайысқа Атбасар ауданының Бастау ауылы #2 ЖОББМ оқушысы Наурызбай Іңкар,  Сергеевка орта мектебінің оқушысы Есимсеитова Арайлым, Атбасар қаласы #7 ЖОББМ оқушылары Ардагерқызы Айым, Бабаева Аяулым, Бектемирова Аруна қатысып, жарыс нәтижесі бойынша  Абай оқуларының "Жүйріктен жүйрік озар жарысқанда" аталымы бойынша Бектемирова Аруна,  "Ұлылар әлемі" аталымы бойынша Бабаева Аялым,  Махамбет оқуларынан "Ел құтқарар ер едім" аталымы бойынша Наурызбай Іңкар жүлделі 3 орын иеленді. Талапты да, таланты оқушыларымызды және жетекшілері Хұрмет Нұрдыбек және Зухра Қуанышбайқызын құттықтаймыз! 

    Осы іс-шара аясында оқушылар Ахмет Байтұрсынұлының 150 жылдығына орай ұйымдастырылған "Тарихи тұлға-Ахмет Байтұрсынов" атты Ш. Уалиханов атындағы Көкшетау мемлекеттік университетінің ғалым лингвистерімен кездесіп Ұлы ұстаз Ахмет Байтұрсынұлы туралы өздерін қызықтырған сұрақтарға жауап алды. Қатысқан барлық оқушыларға арнайы сертификаттар табыс етілді.