Ақмола облысының дене шынықтыру және АӘТД мәселелеріне жетекшілік ететін білім бөлімдерінің әдіскерлерінің облыстық семинар-кеңесі

2022 жылғы 3 ақпанда Ақкөл ауданы, Ақкөл қаласында "ARMAN" туристік-сауықтыру кешені базасында барлық санитарлық - эпидемиологиялық нормаларды сақтай отырып, дербес форматта Ақмола облысының дене шынықтыру және АӘТД мәселелеріне жетекшілік ететін білім бөлімдерінің әдіскерлерінің облыстық семинар - кеңесі өтті.

Семинардың мақсаты: 

-әдістемелік жұмысты ұйымдастыру және өткізу бойынша, сондай-ақ спорттық-бұқаралық іс-шараларды және әскери-патриоттық бағыттағы 2 жартыжылдыққа арналған негізгі іс-шараларды жоспарлау.

 Семинар – кеңеске қатысушыларға Ақмола облысының білім басқармасы жанындағы облыстық өлкетану және экология балалар-жасөспірімдер туризмі орталығының директоры Арман Ғалымтайұлы Өмірзақов құттықтау сөз сөйледі

Семинар-кеңес бағдарламасы аясында Ақмола облысы білім басқармасы жанындағы облыстық өлкетану және экология балалар мен жасөспірімдер туризмі орталығы әдіскерлерінің баяндамалары тыңдалды. Баяндамалар мен талқылаулардың тақырыбы Ақмола облысының жалпы білім беретін мектептерінде білім беру процесін ұйымдастырудың өзекті мәселелері, "ұлттық мектеп лигасын" өткізу, сондай - ақ Ақмола облысының білім бөлімдерінде 2020-2021 оқу жылындағы спорттық-бұқаралық іс-шаралар мен әскери-патриоттық бағыттағы жұмысты талдау болды. Облыстық семинар-кеңестің қорытынды бөлімінде әдістемелік жұмысты ұйымдастыру және өткізу бойынша негізгі іс-шаралар жоспары, сондай-ақ жаңа оқу жылында спорттық-бұқаралық және әскери-патриоттық іс-шаралар талқыланды.