"Кітаптар біздің өмірімізде" сыныптан тыс іс-шара

Күзгі демалыс іс-шаралар жоспары аясында №4 ЖББМ 6 сынып оқушылары үшін мектеп кітапханасының меңгерушісі А.А. Жанғожина ҚР Тәуелсіздігінің 30 жылдығына арналған «Кітаптар біздің өмірімізде» тақырыбында сыныптан тыс іс-шара өткізді.

Іс-шараның мақсаты: Кітапқа деген қызығушылықты арттыру, әдебиетті оқуға деген ынтаны ояту, анықтамалық әдебиеттермен таныстыру. Оқушыларға «Бір ел-бір кітап» республикалық акциясы ел Тәуелсіздігінің 30 жылдығына арналғаны туралы ақпарат жеткізілді. «30 кітап-Тәуелсіздіктің 30 жылдығы» атты акция бүкілхалықтық оқуға ұйымдастырылып, танымал қазақстандық авторлардың 30 үздік туындысы таңдалды.

 «Оқуға құштар мектеп» іс шарасына сынып жетекшілері Л. Лобова мен Н. Санияз алдын ала жұмыс жүргізді. Оқушылар кітаптар туралы өлеңдер дайындады, «Сиқырлы кітап» викторинасына қатысты, жоғалған заттар бойынша ертегі кейіпкерлерін іздеді, анықтамалық әдебиетті пайдаланды. Музыкалық нөмірлерді К. Азарбакатованың жетекшілігімен «Музыкалық студияға» келген оқушылар орындады.