Ауданның білім беру мекемелерінің басшыларымен БКМ

Атбасар ауданының білім бөлімінің басшысы Наймушина Н. Г. 13 қыркүйекте ауданның білім беру мекемелерінің басшыларымен БКМ  өткізді. "Педагог мәртебесі туралы" заңды сақтау (мұғалімдер мен тәрбиешілерді ерекше жұмыс түрлеріне тартуға тыйым салу), "алтын сағаттың ережесі" - аудан бойынша ерекше жағдайлар туралы уақтылы ақпараттандыру, мектеп қажеттіліктеріне ақшалай қаражат жинауға тыйым салу, әлеуметтік желілерге мониторинг жүргізу және осы мекемеге қатысты түсініктемелерге жауап беру мәселелері қаралды. Сондай-ақкоммуналдық төлемдерді төлеу (Р.Едрисова), Мұғалімдер күніне орай марапаттауға кандидатуралар ұсыну (А. Адамова), күнделік базасын толтыру (Д. Терешкина), IQanat олимпиадасында ауыл мектептерінің 8 сынып оқушыларын тіркеу, STEM жобасында тіркеу, Президенттік олимпиаданы өткізу (А. Исасеитова), дебаттық үйірмелер ұйымдастыру, қосымша білім берумен қамту бойынша ҰБДҚ толтыру, мектептегі өзін-өзі басқаруды ұйымдастыру (Қ.Нурмагамбетова), мемлекеттік қызметтер көрсету бойынша түсіндіру (А. Исабекова) мәселелері де қаралды. Негізгі мәселе - халық санағы, білім беру қызметкерлерінің барлық отбасы мүшелерінің қатысуы (бүгінгі күні тек 63,9%  тіркеуден өткен).