Соңғы қоңырау — 2026: балалық шақтың мектеп парағымен қоштасу

Соңғы қоңырау — 2026: балалық шақтың мектеп парағымен қоштасу

25 мамыр күні «Атбасар қаласының №1 жалпы білім беретін мектебі» КММ-де әрбір түлек өміріндегі ең толғанысты әрі есте қаларлық мерекелердің бірі — Соңғы қоңырауға арналған салтанатты жиын өтті.
Бұл күні мектеп ерекше көңіл күйге бөленді — қуаныш, толқу, шынайы күлкі мен қоштасудың жеңіл мұңы сезілді. Салтанатты фанфар үнімен алаңға 11 «А» және 11 «Б» сыныптарының 29 түлегі өздерінің сынып жетекшілері — Герасимова Елена Валерьевна мен Исмагамбетова Толқын Амангелдіқызымен бірге кіріп келді.
Түлектерге ізгі тілектерін құрметті қонақтар, мектеп әкімшілігі, педагогтер мен ата-аналар арнады. Жылы лебіздер мен жарқын болашаққа арналған ақжарма тілектер Атбасар ауданы әкімінің орынбасары Қуатбеков Қуаныш Өмірзақұлынан, мектеп директоры Бекова Любовь Герихановнадан, педагогика ардагері Ахаев Хамзат Хамидұлынан, мектептің ата-аналар комитетінің төрайымы Тұрмағамбетова Асемгүл Ертайқызынан және педагогикалық ұжым өкілдерінен айтылды.
Әсіресе, бірінші сынып оқушылары мен болашақ түлектер — 10-сынып оқушыларының өнер көрсетулері ерекше әсерлі болды. Бастауыш сынып оқушылары аға буынға сәттілік пен табыс тілесе, түлектер кіші буынға білімнің символикалық «эстафетасын» табыстады.
Алғашқы ұстаздарға, сынып жетекшілеріне және ата-аналарға шынайы алғыс сөздер арналды. Түлектер мектептегі жылдарын еске алып, педагогтерге төзімі, қамқорлығы мен қолдауы үшін, ал ата-аналарына махаббаты, сенімі және бүкіл мектеп жолындағы көмегі үшін ризашылықтарын білдірді.
Мерекенің көркін музыкалық нөмірлер, әндер, сахналық көріністер және, әрине, түлектердің дәстүрлі мектеп вальсі — балалық шақпен қоштасудың әсем әрі әсерлі символы айшықтады.
Іс-шараның шарықтау шегі — Соңғы қоңырау болды. Оны соғу құқығы 11 «А» сынып оқушысы Лебедев Никитаға және 1 «А» сынып оқушысы Смағұлова Маликаға берілді.
Түлектер үшін соңғы мектеп қоңырауы соғылды — бұл өмірдің маңызды кезеңінің аяқталып, жаңа жолдың басталғанының белгісі. Алда — емтихандар, мамандық таңдау, жаңа мақсаттар мен үлкен мүмкіндіктер күтіп тұр.
Барлық түлектерге өз күштеріне сенімділік, емтихандарды сәтті тапсыруды, армандарының орындалуын және бақытты болашақ тілейміз!
Ақ жол, 2026 жылдың түлектері!

«Ақмола облысы білім басқармасының
Атбасар ауданы бойынша білім бөлімі» 
ММ әдіскері                                                                         Мотузкова О.С.