КӘСІБИ БАҒДАР БЕРУ — ТАБЫСТЫ БОЛАШАҚҚА ҚАДАМ

КӘСІБИ БАҒДАР БЕРУ — ТАБЫСТЫ БОЛАШАҚҚА ҚАДАМ
Болашақ мамандықты таңдау — әрбір адамның өміріндегі ең жауапты кезеңдердің бірі. Дәл осы шешімге байланысты адамның алдағы өмір жолы, өзін-өзі жүзеге асыру деңгейі және кәсіби табыстылығы айқындалады. Сондықтан мектеп жылдарында-ақ өз қызығушылықтарың, қабілеттерің мен мүмкіндіктерің туралы ойлану маңызды.
2026 жылғы 6 сәуірде «Ақмола облысы білім басқармасының Атбасар ауданы бойынша білім бөлімі» КММ-нің «Атбасар қаласының №1 жалпы білім беретін мектебі» КММ-де бекітілген кестеге сәйкес 9-сынып оқушыларымен кәсіби бағдар беру кездесуі өтті.
Іс-шараны «Атбасар қаласы, Атбасар ауданы аграрлық-индустриялық колледжі» МКҚК-нің үгіт-насихат тобы, құрамында оқытушы Гармашова Ю.А. және өндірістік оқыту шебері Бурмистров А.Ю. өткізді.

Кездесу барысында оқушыларға колледжде оқытылатын мамандықтар туралы өзекті ақпарат ұсынылды. Еңбек нарығында сұранысқа ие бағыттарға, оқуға қабылдау шарттарына, сондай-ақ алдағы жұмысқа орналасу мүмкіндіктеріне ерекше назар аударылды.
Педагогтар оқытудың артықшылықтары, практикалық дағдыларды меңгеру мүмкіндіктері, студенттердің кәсіби байқаулар мен түрлі іс-шараларға қатысуы туралы айтып өтті. Көрнекілік үшін оқушыларға колледж туралы бейнеролик көрсетілді.
Оқушылар ұсынылған ақпаратқа жоғары қызығушылық танытып, мамандық таңдау, оқу шарттары және студенттік өмір туралы белсенді түрде сұрақтар қойды.
Осындай іс-шараларды өткізу оқушылардың болашақ мамандықты саналы таңдауға бағытталуына, оқу мотивациясының артуына және орта кәсіптік білім алуға деген қызығушылықтың жоғарылауына ықпал етеді.

Мотузкова О. С. - кәсіптік бағдар беру жұмысының әдіскері