Мектепке дейінгі балалар ұйымына жолдама қалай алуға болады
Мектепке тіркеу үшін құжаттарды қабылдау
Текст
«АКМОЛА ОБЛЫСЫ БІЛІМ БАСКАРМАСЫНЫҢ
АТБАСАР АУДАНЫ БОЙЫНША БІЛІМ БӨЛІМІ»
МЕМЛЕКЕТТІК МЕКЕМЕСІ
ГОСУДАРСТВЕННОЕ УЧРЕЖДЕНИЕ
«ОТДЕЛ ОБРАЗОВАНИЯ ПО АТБАСАРСКОМУ РАЙОНУ
УПРАВЛЕНИЯ ОБРАЗОВАНИЯ
АКМОЛИНСКОЙ ОБЛАСТИ»
Мектеп - Колледж - Университет: AI дәуіріндегі серіктестік және инклюзивті даму» V Халықаралық педагогикалық форумы өтті
19.02.2026
2026 жылғы 18 ақпанда Ш.Уәлиханов атындағы Көкшетау университетінің (Ualikhanov University) базасында «Мектеп - Колледж - Университет: AI дәуіріндегі серіктестік және инклюзивті даму» V Халықаралық педагогикалық форумы өтті. Іс-шара аралас форматта өтті және педагогтарды, ғалымдарды, білім беру ұйымдарының басшыларын, қоғамдық бірлестіктердің өкілдерін, жұмыс берушілер мен ерекше білім беру қажеттілігі бар балалардың ата-аналарының басын қосты. Форум жұмысына Атбасар ауданының атынан тыңдаушылар ретінде: «Атбасар ауданы бойынша білім бөлімі» ММ басшысының м.а. бас маман Л.К.Мырзахметова; инклюзивті білім беру жөніндегі әдіскер Мотузкова О.С.; «Атбасар қаласының № 4 жалпы білім беретін мектебі» КММ инклюзивті практикаларды енгізу жөніндегі тірек директоры Р.А. Ақанова; Атбасар қаласының «Алтын бесік» балабақшасының инклюзивті практикасын енгізу жөніндегі тірек логопед-дефектологы Н.Н. Тополева қатысты. Форум цифрландыру және жасанды интеллект технологияларын енгізу жағдайында инклюзивті білім беруді дамытуды стратегиялық талқылау үшін кәсіби тұғырнамаға айналды. Басты назарда - білім берудің сабақтастығын, қолжетімділігі мен сапасын қамтамасыз ететін мектеп, колледж және университеттің деңгейаралық өзара іс-қимылының тұтас моделін қалыптастыру. Қатысушыларға университет ректоры Марат Сырлыбаев пен Ақмола облысы білім басқармасының басшысы Айнагүл Балташева сөз сөйлеп, өңірде тұрақты инклюзивті орта құру мен жүйелік серіктестіктің басымдығын атап өтті.
Пленарлық отырыс және сараптамалық сессиялар барысында негізгі бағыттар қаралды: 1) цифрлық құралдар мен AI пайдалана отырып, инклюзивті білім беру ортасын дамыту; 2) ерекше білім беру қажеттіліктері бар білім алушыларды отбасында және қоғамда сүйемелдеу; 3) колледждер мен жоғары оқу орындарының түлектерін жұмысқа орналастыру; 4) инклюзивті мәдениетті қалыптастыруда қоғамдық ұйымдар мен жұмыс берушілердің рөлі; 5) нейроалуан түрлi бiлiм алушыларды қолдау және бейiмдеушi бiлiм беру практикаларын енгiзу. Ақмола облысында инклюзивті білім беруді дамыту жөніндегі үйлестіру кеңесінің төрағасы Марат Ыбыраев цифрландыру жағдайында инклюзивті білім беруді трансформациялау туралы баяндама жасады. Баяндамада оқытудың дәстүрлі үлгілерінен цифрлық технологиялар мен жасанды интеллект негізінде дербестендірілген шешімдерге көшуге, сондай-ақ өңірлік бастамаларды сараптамалық және ведомствоаралық сүйемелдеу қажеттігіне баса назар аударылды. Халықаралық және отандық сарапшылардың, оның ішінде Орталық Азиядағы Америка университетінің президенті және Солтүстік-Батыс университетінің (АҚШ) профессоры доктор Эндрю Вахтельдің, Арнайы және инклюзивті білім беруді дамыту ұлттық ғылыми-практикалық орталығының жетекші ғылыми қызметкері Ирина Елисееваның, сондай-ақ нейроғылым және педагогика саласындағы мамандардың баяндамалары ерекше қызығушылық тудырды. Сарапшылар дислексия диагностикасына, ерекше білім беру қажеттіліктері бар білім алушыларды сүйемелдеуге және білім беру процесіне бейімделу әдістемелерін енгізуге заманауи тәсілдерді ұсынды. Форумды «Инклюзивті білім беру және нейроалуантүрлілік» ғылыми-зерттеу зертханасының басшысы Дмитрий Владимирович Лепешев қорытындылап, кездесудің басты идеясы - «Әркімді тыңдай отырып: инклюзивті ортаны жасаймыз және дамытамыз» деген ойға баса назар аударды. Диалог алаңы түрінде жалпы білім беретін мектептерде инклюзивті оқытуды ұйымдастырудың практикалық мәселелері талқыланды, онда педагогтар өзекті кәсіптік жағдайлар бойынша түсіндірмелер мен ұсынымдар алды. Жалпы білім беретін мектепте КҚБ бар балаларды оқытуды ұйымдастыру бойынша сұрақтарға АИБД ҰҒПО өкілі И.Г. Елисеева егжей-тегжейлі жауап берді. Форум қорытындысы бойынша инклюзивті білім беру мен деңгейаралық серіктестікті одан әрі дамытудың стратегиялық бағдарларын айқындайтын қарар қабылданды. Білім беру ұйымдары үшін ғылыми еңбектер мен әдістемелік ұсынымдар жинағын дайындау басталды. Форумды өткізу адами капиталды дамыту және цифрландыру саласындағы мемлекеттік саясаттың басымдықтарымен үйлеседі. Қасым-Жомарт Тоқаев өз Жолдауында елдің бәсекеге қабілеттілігінің негізгі факторлары ретінде жасанды интеллект пен технологиялық жаңғыртуды енгізуді атады. V Халықаралық педагогикалық форум білім беру қоғамдастығының күш-жігерін шоғырландыруға дайындығын растады және әрбір білім алушы үшін тең мүмкіндіктер мен сапалы оқытуға бағдарланған заманауи, технологиялық және инклюзивті білім беру экожүйесін қалыптастыруға практикалық қадам болды. Форумның өткізілуі кәсіби диалогтың жоғары деңгейін және білім беру қоғамдастығының өңірдің білім беру жүйесін тұрақты дамыту мүддесінде күш-жігерді шоғырландыруға дайындығын растады. Барлық қатысушыларға белсенді ұстанымдары мен инклюзивті мәдениетті дамытуға қосқан үлесі үшін алғыс айтамыз! Мотузкова О. С. - инклюзивті білім беру әдіскері
Просмотров: 34