«Жас дәурен» лагерінде демалу

13 ақпанда аудан мектептерінің 5–8 сыныптарының 50 оқушысы жыл бойы жұмыс істейтін Жасдаурен лагеріне демалуға аттанды. Бұл сапар оқушылар үшін көптен күткен қуанышты оқиға болды. Алда оларды жаңа достар, жарқын әсерлер және мазмұнды бағдарлама күтуде. Алғашқы күннен бастап балалар достық пен шығармашылық атмосферасына енді. Салтанатты ашылу рәсімі, танысу кеші мен топтық ойындар әр оқушының үлкен ұжымның бір бөлігі екенін сезінуіне мүмкіндік берді. Ауысым барысында білім беру және дамыту бағытындағы іс-шаралар ұйымдастырылады: зияткерлік викториналар, шеберлік сағаттары, көшбасшылық және топпен жұмыс жасау дағдыларын қалыптастыруға арналған тренингтер өтеді. Балалардың шығармашылық қабілеттерін дамытуға ерекше көңіл бөлінеді. Бағдарламада сәндік-қолданбалы өнер үйірмелері, театрландырылған қойылымдар, ән-би байқаулары бар. Әр оқушы өз талантын ашып, белсенділік таныта алады. Спорттық шаралар да назардан тыс қалмайды. Күнделікті таңғы жаттығу, түрлі спорт түрлерінен жарыстар, таза ауадағы қозғалмалы ойындар балалардың денсаулығын нығайтып, салауатты өмір салтын қалыптастыруға ықпал етеді. Ұйымдастырушылар бұл демалыс оқушылар үшін тек қызықты ғана емес, пайдалы да болатынына сенімді. Лагерьден оралған кезде балалар өздерімен бірге жарқын естеліктерді, жаңа білім мен дағдыларды және берік достықты ала келеді.