Ақмола облысы мектеп түлектеріне арналған кәсіби бағдар беру кездесуі

📌 Ақмола облысы мектеп түлектеріне арналған кәсіби бағдар беру кездесуі
2026 жылғы 4 ақпанда Ақмола облысының жалпы білім беретін мектептерінің 11-сынып оқушыларына арналған
«Мамандықты дұрыс таңдау – табысты болашаққа бастар жол» тақырыбында кәсіби бағдар беру кездесуі өтті.
Атбасар ауданы бойынша ауданның 21 жалпы білім беретін мектебінің 11-сынып түлектері қатысты.
Іс-шара аралас форматта (офлайн және онлайн) Қазақ ұлттық аграрлық зерттеу университетінің (KazNARU) базасында ұйымдастырылып, өңір мектептерінің оқушыларын, білім беру саласын басқару органдарының өкілдерін, мектеп басшылары мен педагогтерін, сондай-ақ университеттің профессор-оқытушылар құрамын біріктірді.
Кездесу барысында қатысушыларға KazNARU университетінің қызметі туралы бейнеролик ұсынылып, одан кейін университет басшылығы мен Ақмола облысы Білім басқармасының өкілдері құттықтау сөз сөйледі. Оқуға түсу, қабылдау ережелері, білім беру бағдарламалары және грант негізінде білім алу мүмкіндіктері мәселелеріне ерекше назар аударылды.
Факультет декандары мен білім беру бағдарламаларының жетекшілері түлектерге дайындық бағыттары, сұранысқа ие мамандықтар, болашақта жұмысқа орналасу мүмкіндіктері, сондай-ақ жасанды интеллект, IT-технологиялар, инженерия, агробиология, ветеринария, су және орман ресурстары сияқты заманауи бағыттардың дамуы жөнінде жан-жақты ақпарат берді.
Мемлекеттік білім беру грантының иегері болып табылатын университет студенттерінің сөз сөйлеуі оқушылардың ерекше қызығушылығын тудырды. Олар оқуға түсу, білім алу және кәсіби өзін-өзі анықтау жолындағы жеке тәжірибелерімен бөлісті.
Кездесу сұрақ-жауап сессиясымен аяқталып, түлектерді қызықтырған оқуға түсу шарттары, оқу үдерісі және студенттік өмір туралы нақты түсіндірмелер берілді.
Осындай кәсіби бағдар беру іс-шараларын өткізу түлектердің саналы мамандық таңдауына, білім көкжиегін кеңейтуге және білім беру ұйымдары мен жоғары оқу орындары арасындағы өзара ынтымақтастықты нығайтуға ықпал етеді.
📚🎓 Білім бөлімі аудан мен облыс мектептерінің түлектерінің кәсіби өзін-өзі анықтауын сүйемелдеу бойынша жүйелі жұмысты жалғастыруда.
Мотузкова О. С. - кәсіптік бағдар беру әдіскері