Сепе ауылындағы мектепте оқу мүмкіндіктері кеңейтілді

«Қазақстан халқына» қорының білім беру бастамалары шеңберінде Атбасар ауданының Сепе ауылындағы жалпы білім беретін мектепте жаңа заманауи жабдықтар пайда болды, олар оқыту мүмкіндіктерін айтарлықтай кеңейтті.

Оқу кабинеттері интерактивті панельдермен, зертханалық жиынтықтармен, сандық құрылғылармен және әдістемелік материалдармен жабдықталған. Мектеп оқу процесін анағұрлым көрнекі, қызықты және нәтижелі ететін қосымша ресурстарға ие болды.

Педагогикалық ұжым оқытуға жаңа тәсілдерді белсенді енгізуде. Заманауи технологиялардың арқасында мұғалімдер сабақтарды неғұрлым жоғары деңгейде өткізе алады, ал оқушылар - оқу материалын жақсы түсінеді, логикалық және сандық ойлауды дамытады.

Қордың басты міндеті - ауыл балаларының сапалы, қауіпсіз және инновациялық білім алуын қамтамасыз ету. Бүгінде Сепе ауылының жалпы білім беретін мектебінің оқушылары заман талабына сай білім алып, ертеңгі күнге сеніммен қарайды. 11 «А» сынып оқушысы Талғатбек Мөлдір өз әсерімен бөлісті: - Мектепке «Қазақстан халқына» қорынан құрал-жабдықтар әкелгеннен кейін оқу әлдеқайда қызықты болды. Интерактивті панельдер сабақтарды анағұрлым түсінікті етеді, зертханалық жиынтықтар нағыз эксперименттерді орындауға мүмкіндік береді. Заманауи технологиялар материалды тез игеруге және сандық дағдыларды дамытуға көмектеседі. Осындай тамаша мүмкіндіктер үшін қорға рахмет!