30.10.2025
2025 жылғы 30 қазан күні аудандық оқу ісі жөніндегі директорлардың әдістемелік бірлестігінің жоспарлы отырысы өтті. №3 орта мектептің оқу ісі жөніндегі директордың орынбасары, отырыс модераторы Торговкина Т.А. «Тоқсан қорытындысы бойынша аудан мектептеріндегі оқыту сапасының талдауы: жетістіктер, мәселелер, даму бағыттары» тақырыбында аналитикалық баяндама жасады. Бастауыш сыныптар бойынша оқу ісі жөніндегі директордың орынбасары Габбасова А.Б. әріптестерін 1-тоқсан қорытындысы бойынша бастауыш мектептердегі оқыту сапасының жағдайымен таныстырды. №7 орта мектептің оқу ісі жөніндегі директордың орынбасары Шакеева М.А. «Мектеп әкімшілігінің аналитикалық қызметі: оқыту сапасын талдау тәсілдері» тақырыбында баяндама ұсынды. Отырыстың қорытындысы бойынша ортақ шешім қабылданды.
