Үстел теннисінен аудандық жарыстар

Ұлттық мектеп лигасы бағдарламасы аясында 2025 жылғы 11 сәуірде Атбасар қаласының №8, №6 жалпы білім беретін мектептері мен «Олимп» дене шынықтыру-сауықтыру кешенінің базасында 5-6 сынып оқушылары арасында Ұлы Отан соғысындағы Жеңістің 80 жылдығына және Атбасар қаласының 180 жылдығына арналған Атбасар ауданы мектептері оқушылары арасында үстел теннисінен аудандық жарыстар өтті. Жарыстарға ауданның 14 мектебінен 52 оқушы қатысты. Аудандық жарыстардың қорытындысы бойынша командалық біріншілікте жеңімпаздар мен жүлдегерлер анықталды:

I орын – Атбасар қаласының №7 жалпы білім беретін мектебі;

II орын – Атбасар қаласының №1 жалпы білім беретін мектебі;

III орын – Сергеевка ауылындағы жалпы білім беретін мектеп.