"Инклюзивті білім берудің ашық көкжиектері: педагогикалық тәжірибе және жаңа тәсілдер" аймақтық семинар

2025 жылдың 12 наурызында «Ақмола облысы білім басқармасының Жарқайың ауданының білім бөлімі Гастелло ауылының жалпы білім беретін мектебі» КММ-де білім басқармасының әдістемелік орталығының өкілдерінің, Атбасар, Жақсы, Жарқайың аудандарының жалпы білім беретін мектептердің білім бөлімдерінің әдіскерлерінің, директорлардың ОТЖ жөніндегі орынбасарларының, ЕБҚ бар балалармен жұмыс істейтін педагогтердің қатысуымен «Инклюзивті білім берудің ашық көкжиектері: педагогикалық тәжірибе және жаңа тәсілдер» атты аймақтық семинар офлайн форматта және Ақмола облысының басқа аудандарымен онлайн форматта өтті.
Семинарға Атбасар ауданы бойынша білім бөлімінің әдіскері О.С. Мотузкова және Атбасар мектептерінің жалпы білім беретін пәндерінің 14 педагогы, оның ішінде инклюзивті білім беруді қолдау кабинеттерінің педагог-психологтары мен арнайы педагогтары қатысты.
Гастелло ауылындағы заманауи, жайлы мектептің табалдырығын аттаған семинарға қатысушылар бірден белсенді, ізгі ниетті ынтымақтастық пен педагогтармен тәжірибе алмасу атмосферасына түсті.
Ақмола облысы бойынша инклюзивті білім беруді дамыту жөніндегі Үйлестіру кеңесінің төрағасы М.У.Ибраев семинарға қатысушыларды ZOOM платформасы арқылы құттықтау сөз сөйлеп, Әдістемелік орталықтың инклюзивті білім беруді ғылыми-әдістемелік қамтамасыз ету бөлімінің басшысы М.А.Дударева «Инклюзивтік даму және инклюзивтік саясат» тақырыбында ақпарат берді.
Мектептің мәжіліс залында семинарға қатысушыларды «Ақмола облысы білім басқармасының Жарқайың ауданы бойынша білім бөлімі» ММ басшысы Г.К. Нұрпейісова жылы лебізін білдіріп, баршасына жемісті жұмыс және сәтті күн тіледі.
Пленарлық бөлімде «Инклюзивті білім беруді жаңғырту: практика, перспектива, жоспарлау» жобасының тұсаукесерімен ЖОББМ директоры С.Гастелло (жоба жетекшісі) Қажгалиева Дарина Токбергеновна және мектеп психологы, педагог-сарапшы (жоба жетекшісі) Манатов Аслан Айтжанұлы сөз сөйледі. Жобаның мақсаты педагогтердің кәсіби даярлық деңгейін арттыру, құзыреттерін дамыту және білім беру ұйымдарында инклюзивті мәдениетті қолдау үшін жағдай жасау арқылы даму кемістігі бар балаларға қатысты оң көзқарастарын қалыптастыру болды. Бұл жоба 3 бағытты: тәжірибе, жоспарлау және болашақты қамтиды.
Әрі қарай бағдарлама бойынша практикалық бөлімде мұғалімдер математика, география, орыс тілі, бастауыш сыныптарда ашық сабақтарға, сондай-ақ тренингтер мен шеберлік сабақтарына қатысты. «Жеке стереотиптерден кәсіптік практикаға: ЕБҚ бар балаларға қатысты педагогтердің көзқарасын қалай өзгерту керек» әкімшілік блогында мектеп директоры Д. Т. Қожғалиева, директордың ОТЖ жөніндегі орынбасары Ш.Ж. Нарыбаева және педагог-психолог А. А. Манатов сөз сөйлеп, тренинг өткізді.
Семинар соңында семинар қорытындысы шығарылып, қатысушылардан кері байланыс жасалды.
«Атбасар ауданы бойынша білім бөлімі» ММ білім алмасудың, аудандар арасындағы өзара іс-қимылдың және инклюзивті білім беруді дамытудың маңызды алаңына айналған семинарды ұйымдастырғаны үшін алғыс білдіреді, осылайша болашақта ерекше балалардың әлеуетін ашуға зор үлес қосады!