Білім берудегі цифрлық технологиялар-бұл дәстүрлі білім мен болашақ арасындағы көпір

12 наурыз 2025 ж. Атбасар ауданында BilimLand білім беру платформасының өкілдерімен кездесу өтті! Іс-шараға Ақмола өңірлік жаңа технологиялар орталығынан директордың орынбасары Кульниязов Р.С және мектеп бөлімінің меңгерушісі Сейпиева С.М қатысты. Одан бөлек облысымыздың бірнеше аудандарынын білім беру мекемелерінен: директорлардың оқу ісі жөніндегі орынбасарлары, информатика мұғалімдері, цифрландыру бойынша әдіскерлері мен мектепке дейінгі білім беру әдіскерлері қатысты. BilimLand мамандары платформаның мүмкіндіктерін таныстырып, цифрлық оқытудың жаңа құралдары туралы айтып, педагогтарға арналған пайдалы ұсыныстармен бөлісті. Білім беру технологиялары дамуды жалғастыруда және мұндай кездесулер мұғалімдерге уақытпен бірге жүруге, дағдыларын жетілдіруге және оқу сапасын арттыруға көмектеседі!