Облыстық тарихшылар мен өлкетанушылар форумы

Атбасар қаласының №8 мектебінде аудандық тарихшылар мен өлкетанушылар форумы өтті. Форумға өлке тарихын зерттеумен айналысатын ғалымдар, ұстаздар мен оқушылар қатысты. Шара үш маңызды тақырыпқа арналды:

1. «Өлкетану жетістіктері» – қатысушылар Атбасар ауданының тарихы, оның мәдени мұралары, ескерткіштері мен бірегей дәстүрлеріне арналған зерттеулер мен жобаларын ұсынды.

2. «Рақымжан Қошқарбаев – мәңгілік ерлік» – бұл секция Ұлы Отан соғысында ерлігімен танылған батырдың өмірі мен ерлігіне арналды. Баяндамалар Рақымжан Қошқарбаевтың Жеңіс туын Рейхстагқа тігуі мен оның тарихи маңызын ерекше атап өтті.

3. «Сәкен Сейфуллин – 130 жыл» – қазақтың ұлы жазушысы және мемлекет қайраткерінің мерейтойы осы номинацияның басты тақырыбына айналды. Қатысушылар Сәкен Сейфуллиннің қазақ әдебиеті мен мәдениетіне қосқан үлесі және оның ұлттық бірегейлікті қалыптастырудағы рөлі туралы баяндады. Форум таным мен тәжірибе алмасу рухында өтті. Үздік жұмыстарды әділқазылар алқасы белгіліп, қатысушылар өңірдің тарихи мұрасын зерттеуді әрі қарай жалғастыруға ниет білдірді. Мұндай іс-шаралар өлкетануды дамытуға және жас ұрпақтың патриоттық тәрбиесіне үлкен үлес қосады.