"Үйде оқытуды ұйымдастыру туралы"

ҚР заңнамасында балалардың құқықтары туралы негізгі халықаралық құжаттарға сәйкес мүмкіндігі шектеулі адамдарға білім беруге тең құқықтар қағидаты көзделген. Үйде жеке оқыту мүмкіндігі шектеулі балаларға арналған жалпы білім беру және арнайы (түзету) білім беру ұйымдары сияқты міндеттерді шешеді: ақыл-есі кем мектеп оқушыларының танымдық іс-әрекетінің және эмоционалдық-еріктік саласының кемшіліктерін барынша еңсеру, оларды өнімді еңбекке, тәуелсіз өмірге, қазіргі қоғам жағдайында әлеуметтік бейімделуге қатысуға дайындау.

2024 жылдың 2 қазандағы жағдай бойынша, Атбасар ауданында ПМПК қорытындысы бойынша және ДКК қорытындысы бойынша 29 оқушы үйде оқытылады.

Үйде оқытатын мұғалімдер мезгіл-мезгіл біліктілік курстарынан өтеді. Барлық балалар мектептің білім беру қызметіне ішінара немесе толықтай кіреді. Оларға мамандар мен педагогтардың жан-жақты көмегі көрсетіледі. ОP бар Оқушылар сыныптық және көпшілік іс-шаралар мен үйірмелерге қатысады.

Үйде жеке тегін оқытудың сапасын бақылау, қадағалауды ПМПК және бала бекітілген Білім беру ұйымы (мектеп, тікелей директордың оқу ісі жөніндегі орынбасары) жүзеге асырады.

Баланың дамуындағы бұзушылықтарды түзету мақсатында ПМПК ата-аналарымен және мектеп әкімшілігімен келісе отырып, бала психологпен, логопедпен мектепте оқи алады, жеке сабақтарға қатыса алады. Шарты - оқушыларға мектепте үйде оқытуға барған кезде ата-аналар баланы ертіп, сабақ кезінде жақын жерде болуы керек. Мұндай ішінара кіріктіру үйде оқитын оқушылардың сәтті әлеуметтенуіне ықпал етеді. Сонымен қатар, мүмкіндігінше бала мен ата-аналарды сабақтан тыс жұмыстарға қатысуға тарту қажет. Мүмкіндігі шектеулі оқушыларды үйде оқыту процесін дұрыс ұйымдастыру балаларды оқытуда және оларды әлеуметтендіруде айтарлықтай нәтиже береді.

Үйде оқыту орта білім беру ұйымдары (бастауыш, негізгі орта және жалпы орта)қызметінің үлгілік қағидаларына сәйкес жүргізіледі:

Денсаулық жағдайы бойынша дәрігерлік-консультативтік комиссияның (ДКК) қорытындысы бойынша ұзақ уақыт бойы білім беру ұйымдарына бармайтын азаматтар үшін тиісті үлгілік оқу жоспарларына сәйкес үйде немесе стационарлық көмек көрсететін ұйымдарда жеке тегін оқыту, сондай-ақ қалпына келтіру лечение және медициналық оңалту ұйымдастырылады.

Үйде оқыту кезінде психофизикалық мүмкіндіктерге байланысты ерекше білім беру қажеттіліктері бар балалар жалпы білім беру, қысқартылған немесе арнайы бағдарламалар бойынша оқиды.

Үйде оқыту-бұл баланың үйде алатын білім беру түрі, ал оқу процесінің өзі жеке оқу жоспары бойынша жүзеге асырылады.

Медициналық көрсеткіштер бойынша білім беру ұйымдарында тікелей оқи алмайтын балаларға үйде оқыту ұсынылады.

ҚР "Білім туралы" Заңының 8-бабына сәйкес денсаулық жағдайы бойынша ұзақ уақыт бойы бастауыш, негізгі орта, жалпы орта білім беру ұйымдарына бара алмайтын азаматтар үшін үйде немесе емдеу ұйымдарында жеке тегін оқыту ұйымдастырылады.

18 жасқа дейінгі 1-11-сынып оқушыларының-денсаулығына байланысты қысқа уақытқа (6 айға дейін) мектепте сабаққа қатыса алмайтын балаларды жеке оқытуға ҚР БҒМ 28.02.2000ж. №07-4/889 "Науқас балаларды үйде жеке оқытуды ұйымдастыруды жақсарту туралы"хатымен рұқсат етілген. Бұл оқушыларды үйде жеке оқытуды ұйымдастыру емдеу мекемесінің қорытындысы (ДКК анықтамасы) негізінде және аудандық (қалалық) білім бөлімінің әрбір жеке жағдайының рұқсатымен жүргізілуі тиіс. Осы санаттағы балаларға арналған ПМПК консультациясы жүргізілмейді. Уақытша науқас балаларды оқыту бағдарламасы – жалпы білім беру.