Аттестация

Ақмола облысы білім басқармасының Атбасар ауданы бойынша білім бөлімі 2021 жылғы  14 қазаннан бастап Ұлттық біліктілік тестілеуге (бұдан әрі – Біліктілік тестілеу) өтініштерді қабылдау жүргізілетінін хабарлайды.

Біліктілік тестілеу ағымдағы жылғы 15 қазан мен 30 қараша аралығында Ұлттық тестілеу орталығы әзірлеген бағдарламалық жасақтаманың көмегімен электрондық форматта «U-FUTURE» жауапкершілігі шектеулі серіктестігінің 36 аймақтық тестілеу  орталықтарында өткізу жоспарланған. ҰБТ-ға өтініштерді app.testcenter.kz сілтемесі арқылы беруге болады.

Біліктілік тестілеуге жалпы орта білім беру, мектепке дейінгі тәрбие мен оқыту, қосымша білім беру (интернаттық ұйымдардың, жатақханалардың және арнайы ұйымдардың тәрбиешілері), Техникалық және кәсіптік, орта білімнен кейінгі білім беру ұйымдарының (жалпы білім беретін педагогтар үшін және медициналық бағыт) педагогтері, Әдістемелік кабинеттердің (орталықтардың) әдіскерлері қатыса алады.

Ұлттық біліктілік тестілеудің жалпы уақыты - 3 сағат 30 минут (210 минут), ал  «Математика», «Физика», «Химия», «Информатика» пәндері үшін – 4 сағат (240 минут).